ڈالر کی اونچی اُڑان سے مہنگائی کا طوفان اور بیرونی قرضوں میں اضافہ ہو گا، تہلکہ خیز دعویٰ

آئرن و سٹیل مارکیٹس لاہور کے صدرراجہ عدیل نے کہا ہے کہ ڈالر کی اونچی اوڑان سے مہنگائی کا طوفان آئے گا انہوںنے روپے کی قدر میں کمی اور ڈالر کی مسلسل بڑھتی ہوئی قیمتوں پر تشویش کا اظہار کرتے ہوئے کہا ہے کہ گزشتہ 3سالوں کے دوران ڈالرکی قدر110سے بڑھ کر 167روپے سے تجاوز کرگئی ہے جس سے روزمرہ کی اشیاء کی قیمتوں میںآئے دن اضافہ ہورہا ہے ڈالر کی قیمت میں

اضافہ سے صنعتی شعبہ کی پیداواری لاگت میں اضافہ کے ساتھ ساتھ بیرونی قرضوں میںاربوں روپے مزید اضافہ ہوگا جبکہ ڈالر مہنگا ہونے سے صنعتوں میں استعمال ہونے والا درآمدی خام مال مہنگا ہوگا جس سے صنعتی شعبہ پر مزید مالی بوجھ بڑھے گا۔۔ ان خیالات کااظہار انہوںنے آئر ن و سٹیل مارکیٹس کے تاجروں سے گفتگو کرتے ہوئے کیا۔راجہ عدیل اشفاق نے کہا کہ روپے کی قدر میں

استحکام کیلئے اقدامات کیے جائیں کیونکہ مضبو ط معاشی پالیسیوں سے ہی ملکی معیشت مستحکم ہوگی انہوںنے کہا کہ ڈالر کی قیمت بڑھنے کا سب سے زیادہ اثر پٹرولیم مصنوعات کی قیمتوں پر پڑے گا جو بیشتر درآمد کی جاتی ہیں پٹرول ڈیزل مہنگا ہونے کے نتیجہ میں کرائے اور ٹرانسپورٹ کی لاگت

میں اضافے کی شکل میں ظاہر ہوگا جس سے اشیاء کی ترسیل کی لاگت بڑھے گی اور نتیجہ عوام کو مہنگائی کی شکل میں بھگتنا پڑے گا اس لیے حکومت ڈالر کی قیمت کو کنٹرول کرے اور روپے کی قدر میں اضافہ کیلئے فوری اقدامات اٹھائے۔

Sharing is caring!

Categories

Leave a Reply

Your email address will not be published. Required fields are marked *